Ժուռնալիստների Ասպարեզ ակումբ

 


Ասպարեզ Հանդես
Հետազոտությունները
Հանրային կապեր

ԶԼՄ եւ լրագրողներ

Գյումրի
Գործընկերներ
Ասպարեզ Միավորում
Մեր մասին

Արխիվ


ՈՒՇԱԴՐՈՒԹՅՈՒՆ

ՈՐՈՆՎՈՒՄ Է



www.wikileaks.ch





Հետաքննող լրագրողների ընկերակցություն








ԱԶԱՏՈՒԹՅՈՒՆ ՌԱԴԻՈԿԱՅԱՆ


Ամերիկայի Ձայն























www.sosi-tv.com

ԿԱՊԱՆ



ԵՐԿԻՐ ՄԵԴԻԱ ՀԸ


ՌՈՒՍԹԱՎԻ-2

ՎՐԱՍՏԱՆ


Ամենահրատապը

Վրաստանից













Խոսքի ազատության պաշտպանության

կոմիտե


Երեւանի մամուլի ակումբ



Հայաստանի զարգացման ուղեցույց


Թրանփարենսի Ինթերնեյշնլ

Հակակոռուպցիոն կենտրոն


Գործընկերություն հանուն բաց հասարակության


Շիրակի դպրոցները


Մենք պլյուս ՀԿ





hit counter

Stats



Ժուռնալիստների Ասպարեզ ակումբի հայտարարությունը

Ա1+ հեռուստաընկերության դատական հաղթանակի առթիվ

 

17 | 06 | 2008 | 23:50 | Հայտարարություն

 

2008 թվականի հունիսի 17-ին Մարդու իրավունքների եվրոպական դատարանը բավարարեց Ա1+-ի հիմնադիր Մելտեքս ՍՊԸ-ի եւ նրա նախագահ Մեսրոպ Մովսեսյանի հայցը ընդդեմ Հայաստանի Հանրապետության: ՄԻ Եվրոպական դատարանը գտել է, որ Ա1+-ի եթերազրկմամբ խախտվել է Մարդու իրավունքների եվրոպական կոնվենցիայի 10-րդ հոդվածը (Խոսքի, կարծիքի, տեղեկատվության  ազատության իրավունքը): Դատարանի որոշման համաձայն` Հայաստանի կառավարությունը պարտավոր է Մելտեքս ՍՊԸ-ին եռամսյա ժամկետում վճարել 30.000 եվրո, որից 10.000 եվրոն պետք է փոխանցվի անգլիացի փաստաբաններին:

 

Այսպիսով Եվրադատարանը իր այս պատմական վճռով հաստատեց Հայաստանի առաջադեմ հասարակության, մասնագիտական, լրագրողական եւ իրավապաշտպան մի շարք կազմակերպությունների այն համոզմունքը, որ Հեռուստատեսության եւ ռադիոյի ազգային հանձնաժողովը (ազգային բառն այստեղ օգտագործվում է որպես այդ պետական մարմնի օրենքով սահմանված անվանման մաս) անցած 6 տարիներին, Ա1+ հեռուստաընկերության 12 մրցութային փաթեթները գնահատելիս, դրսեւորել է էական կամայականություններ, որով, ի վերջո լրջագույն վնասներ է հասցրել հանրությանը, հեռուստաընկերությանը, դրա հիմնադիր ՍՊԸ-ին եւ հիմնադիր նախագահին:

 

Այսպիսով, դատական վճռի մակարդակով ընդամենը լրացուցիչ անգամ ապացուցվեց, որ անցած 6 տարիների ընթացքում Ա1+ հեռուստաընկերության եթերազրկումը քննադատող` հանրության եւ Եվրակառույցների բազմաթիվ բողոքները, քննադատությունները արդարացված են:

 

Որքան էլ մեծ են Ա1+ հեռուստաընկերության  արդյունաբերական եւ գործարար կորուստները, բազմապատիկ ավելին է այս հեռուստաընկերության եթերազրկումից անցած 6 տարիներին  հանրության կրած վնասները. ամենեւին էլ միանշանակ չէ, թե ինչպիսի զարգացումներ կունենային Հայաստանյան հասարակական-քաղաքական զարացումները 2003, 2007, 2008 ընտրությունների եւ 2005 թվի այսպես կոչված հանրաքվեի ընթացքում տեղի ունեցած զանգվածային օրինախախտումների եւ դրանց հաջորդող համաժողովրդական հուզումների արդյունքում, եթե այդ ընթացքում Երեւանում գործեր ազատ, անկախ, բազմակարծություն կամ այլընտրանքային տեղեկատվություն ապահովող գոնե մեկ  հեռուստաընկերություն: Եւ, ըստ այդմ, դժվար է ասել, թե ինչպիսին կլիներ Հայաստանն այսօր, եթե չեթերազրկվեին Ա1+ եւ Նոյյան տապան հեռուստաընկերությունները. գուցեեւ` իսկապես չունենայիք այն 10 զոհերն ու հարյուրից ավելի վիրավորները, որ ունեցանք: 

 

Չնայած ՄԻ Եվրոպական դատարանի այս վճռին, Ա1+ հեռուստաընկերության եւ առաջադեմ հանրության տարած այս խոշոր բարոյական հաղթանակին, համարձակվում ենք կարծել, որ Հեռուստատեսության եւ ռադիոյի ազգային  հանձնաժողովը եւ դրա նախագահ Ամալյան Գրիգորը բավարար ինքնուրույնությամբ ու կամքով չեն օժտված իրենց խայտառակ պարտությունը հրաժարականով մաքրագործելու կամ Ա1+ հեռուստաընկերությանը եթերային հաճախականություն հատկացնելու գործընթաց սկսելու համար:

 

Ոչ ոք չի մոռացել հայաստանյան այն 17 լրատվամիջոցների հայտարարությունը, որով նրանք Ա1+ եւ Նոյյան Տապան հեռուստաընկերությունները եթերազրկելուց անմիջապես հետո փորձեցին զսպել հանրային զայրույթը, ի լուր աշխարհի հայտարարելով, թե.-Հայաստանում Խոսքի ազատությունը վտանգված չէ, եւ ԶԼՄ-ների գործունեության համար ստեղծված են անհրաժեշտ պայմանները: Պարզվում է Ա1+ հեռուստաընկերության հանդեպ իրականացված այս դավադրության ապացուցման համար եվրադատարանի վճիռն էր պետք: 17 լրատվամիջոցները չարաչար սխալվել են: Այդ հայտարարել ենք դեռ 6 տարի առաջ:

 

Երբեք չեն մոռացվելու բոլոր նրանք, ովքեր այս գոտեմարտում հարմարվեցին հակաժողովրդավարական ռեժիմի պայմաններին` զանազան սեթեւեթանքներով փորձելով չքմեղանալ, խուսափել պատասխանատվությունից եւ անգամ արդարացումներ որոնել տխրահռչակ հանձնաժողովի վարքին: Վստահ ենք, որ գալու է այդ պատասխանատվության օրը, այնպես, ինչպես վստահ ենք եղել, որ գալու էր այս օրը: Ցավալի է գիտակցել, որ ՀՌԱՀ-ը եւ դրա թելադրողները 6 տարի շարունակ վճարվել են ու դեռ էլի մի ինչ-որ ժամանակ վճարվելու են մեր հարկերից:      

 

Ժուռնալիստների Ասպարեզ ակումբը ու գյումրեցի մի մեծ խումբ լրագրողներ սրտանց շնորհավորում են Ա1+ հեռուստաընկերության հիմնադրին, բոլոր ներկա եւ նախկին աշխատակիցներին, ազատասեր հանրությանը այս միջանկյալ հաջողության առթիվ: Շնորհակալություն համառության եւ հետեւողականության համար:   

 

17 հունիսի, 2008  


www.asparez.am կայքի արխիվը
2008
հունվար փետրվար մարտ ապրիլ մայիս              
2007 1 հունվարի-3 հոկտեմբերի 2007 3 հոկտ-31 դեկտ
2006 թվական
2005 թվական
2004 թվական

Հայաստանյան հեռախոսային կոդերը եւ զանգելու կարգը pdf ֆորմատով


Ինտերնետային կայքի հետ կապված բոլոր առաջարկություններով կապվեք levon@asparez.am  հասցեով:

Copyright 2004-2011, Ժուռնալիստների Ասպարեզ ակումբ հասարակական կազմակերպություն:

Կայքը թարմացվել է Գյումրու Հիմնական Ժամանակով (ԳՀԺ-GST) 2011 թվի հունիսի 27-ին, ժամը 13:45-ին (GMT = 18:00:00) Կայքի այցելությունների վիճակագրություն.

hit counter